ஜல்லிக்கட்டு பற்றிய கேள்விகள்

பீட்டா இந்தியா ஏன் ஜல்லிக்கட்டை மட்டுமே குறி வைத்துள்ளது?

பீட்டா இந்தியாவின் குறிக்கோள் என்னவென்றால், விலங்குகள் வேறு எந்த வகையிலும் பரிசோதனை செய்யப்படவோ, சாப்பிடவோ, அணியவோ, பொழுதுப்போக்குக்காகவோ அல்லது கொடுமைக்களுக்கோ உள்ளாக்கக் கூடாது.  வீகன் உணவு முதல் செல்லப் பிராணிகளின்  கருத்தடை வரை பலவிதமான சிக்கல்களில் நாங்கள் பணியாற்றி வருகிறோம்.  மேலும் தகவல்களுக்கு தயவுசெய்து பார்க்கவும் PETAIndia.com

நீங்கள் பார்த்தீர்களானால், நாங்கள் ஜல்லிக்கட்டு, காளை பந்தயம் போன்றவைகளையும் சேர்த்து விலங்குகளைக் கொடுமைக்கு உள்ளாக்குவதையே நோக்கி சென்றுக் கொண்டிருக்கிறோம்.  மேலும் விலங்குகளுக்கான பாதுக்காப்பு சட்டத்திற்காக பாடுப்படுகின்றோம்.  ஜூலை 7, 2011, தி கஸட் ஆப் இந்தியா-வில் மத்திய அரசின் அறிவிப்பு காளைகளை காட்சிப் பொருளாக பயன்படுத்துவது சட்டவிரோதமாக அறிவித்தது.

மரியாதைக்குரிய உச்ச நீதிமன்றம் அதன் தீர்ப்பில் 7, மே 2014-ல் காளைகளைக் காட்சிப் பொருளாக பயன்படுத்துவதற்கு தடை விதித்துள்ளது.  மேலும் நீதிமன்றம் இந்த நிகழ்வுகளில் நடைபெறும் கொடுமை இயல்பற்றது, ஏனென்றால் காளைகள் உடற்கூரியல் ரீதியாக பந்தயத்திற்கு பொருந்தாதது எனவும் தீர்ப்பளித்துள்ளது.  காளைகளை பந்தயத்திற்கு கட்டாயப்படுத்துவது அவைகளுக்கு தேவையில்லாத வலி மற்றும் கஷ்டங்களை கொடுக்கிறது.  எனவே இது சட்டத்தினால் அங்கீகரிக்கப் படவில்லை. ஆனால் விலங்குகளுக்கான கொடுமையை தடுக்கும் இச்சட்டம், 1960 மீறப்பட்டுள்ளது.  இதன் பொருள் என்னவென்றால் ஜல்லிக்கட்டு மற்றும் காளை பந்தயங்களில் மூலமாக காளைகளுக்கு தேவையற்ற வலி மற்றும் துன்பத்தினை ஏற்படுத்துவது சுமார் 60 ஆண்டுகளாக சட்டவிரோதமாகும்.

7 மே, 2014- உச்ச நீதிமன்ற தீர்ப்பின் பத்தி 77-ல் பின்வருமாறு கூறியுள்ளது:

“ஆகவே ஜல்லிக்கட்டு மற்றும் காளை வண்டி பந்தயம் போன்ற நிகழ்வுகளைப் பொருத்தவரை AWBI (இந்திய விலங்குகள் நல வாரியம்)-இன் நிலைப்பாடு சரியானது என்று  நாங்கள் கருதுகிறோம்.

பி.சி.ஏ சட்டத்தின் 3,11 (1)(அ) மற்றும் 11 (1) (மீ) (ii) பிரிவுகளின் படி மத்திய அரசு 11-07-2011 தேதியிட்ட அறிவிப்பை நாங்கள் ஆதரிக்கிறோம்.  இதன் விளைவாக, ஜல்லிக்கட்டு   நிகழ்வுகள் தமிழ்நாடு, மாகராஷ்டிரா மாநிலத்தில் அல்லது நாட்டின் பிற இடங்களில் காளை வண்டி பந்தயத்திற்கு காளைகளை பயன்படுத்தக் கூடாது”.

பி.சி.ஏ சட்டம், 1960-ன் 3 மற்றும் 11(1) (அ) பிரிவுகளின் படி, எந்தவொரு நபரும் “ எந்தவொரு மிருகத்தையும் அடிப்பது, குத்துவது, உதைப்பது, அதன் மேல் சவாரி செய்வது, சுமைகளை சுமக்க வைப்பது, சித்திரவதைகள் அல்லது வேறு எந்த விலங்கையும் சட்ட விரோதமாக தேவையற்ற வலி அல்லது துன்பம் ஏற்படுத்துவது அல்லது அதற்கு காரணமாக இருந்தால், அல்லது உரிமையாளர்கள் அதற்கு அனுமதியளித்தால், அது சட்டவிரோதமாகும்.  பி.சி.ஏ சட்டம், 1960-ன் பிரிவு 11(1) (மீ) (ii)- படி எந்தவொரு நபரும்  “எந்தவொரு விலங்கையும் கட்டுப்படுத்தவோ அல்லது கட்டுப்படுத்த காரணமாகவோ இருந்தால், ஒரு பொருளாகவோ, எந்தவொரு விலங்குக்கு இரையாகவோ அது (ஒரு புலி அல்லது சரணாலயத்தில் பிற ஒரு விலங்கை தூணில் கட்டுவது உட்பட) சட்டவிரோதமாகிறது.

“சண்டை ஒரு விலங்கு அல்லது மனிதனுடன் இருக்கலாம்”, TNRJ (ஜல்லிக்கட்டு தமிழ் நாடு ஒழுங்குமுறை) சட்டத்தின் 5-வது பிரிவு உத்தரவின் படி காளை மற்றும் காளையை அடக்குபவர்களுக்கிடையே ஒரு சண்டையை உருவாக்குகிறது, அதாவது காளையை அடக்குபவர்கள் காளையுடன் சண்டையிட்டு அதனைக் கட்டுப்படுத்த வேண்டும்.  பி.சி.ஏ சட்டத்தின் பிரிவு 11(1) (மீ) (ii) –இன் கீழ் இத்தகைய சண்டை தடை செய்யப்பட்டுள்ளது” என உச்ச நீதிமன்றம் தெளிவுப்படுத்தியுள்ளது.

ஜல்லிக்கட்டு தமிழக ஒழுங்குமுறை (TNRJ) சட்டத்தை உச்ச நீதிமன்றம் நிறுத்தியது, ஏனென்னில் இது, பிரிவு 3, பிரிவு 11(1) (அ), 11(1) (மீ)(ii) மற்றும் பிரிவு 22- வுடன் முரணனானது மற்றும்  நேரடியாக மோதுகிறது.  எனவே அரசியலமைப்பின் 51-ஏ (ஜி) மற்றும் 51-ஏ & (எச்) கட்டுரைகளுடன் பி.சி.ஏ சட்டத்தினை படிக்கும் போது, அவை சட்டத்திற்கு பொருந்தவில்லை”.

ஜல்லிக்கட்டிற்கு காளைகள் பயன்படுத்த படாவிட்டால், அவை இறைச்சி வெட்டும் கூடங்களுக்கு விற்கப்படும் என்று சிலர் கூறுகிறார்களே.

ஜனவரி 12, 2016 அன்று வெளியான “ ஜல்லிக்கட்டில், பாரம்பரியம் மற்றும் விலங்குகளுக்கான கொடுமை பற்றிய கேள்விகள்” என்ற தலைப்பில், தி இந்தியன் எக்ஸ் பிரஸ், காளை வண்டி பந்தயம் அல்லது ஜல்லிக்கட்டிற்கான டிக்கெட்டுக்கள் விற்கப்படுகின்றன” என்று தெரிவித்துள்ளது.  மேலும் பின்வருமாறு கூறுகிறது:

“ஜல்லிக்கட்டு நிகழ்வுகள் எந்தவொரு பெரிய பண மதிப்பு நன்மைகளையும் வழங்குவதில்லை மற்றும் பரிசு பெரும்பாலும் ஒரு வேட்டி, துண்டு, வெற்றிலை, வாழைப்பழங்கள் மற்றும் டோக்கன் பணம் அரிதாக ரூ.101-க்கு மேல் ஒரு வெள்ளித்தட்டில் வைத்து கொடுக்கப்படும்.  ஆனால் கடந்த சில ஆண்டுகளில் நடந்த சில நிகழ்வுகளின் பரிசு பட்டியலில் மிக்சர்-கிரைண்டர்கள், குளிர்சாதன பெட்டிகள் மற்றும் தளவாட சாதனங்கள் சேர்க்கப்பட்டுள்ளன”.

இது உண்மையான கலாச்சாரம் அல்ல. 14, ஜனவரி 2017 அன்று தி இந்து பத்திரிக்கையின் கட்டுரையில், “ஜல்லிக்கட்டில் 43 உயிர்கள் இறந்துள்ளன: AWBI “ என தலைப்பிட்டுள்ளது.  ஜல்லிக்கட்டு நிகழ்ச்சிக்காக டிக்கெட்டுக்கள் விற்கப்படுவதைக் காணலாம்.  மேலும் ஜல்லிக்கட்டு வெற்றியாளருக்கான பரிசுகளில் கார்கள் மற்றும் மோட்டார் சைக்கிள்களும் சேர்க்கப்பட்டுள்ளனர்.  ஆனால் கலாச்சார ரீதியாக, விவசாயிக்கு எந்தவொரு பண நன்மையும் இல்லை; டிக்கெட்டுக்கள் விற்கபடுவதும் இல்லை.  எனவே ஜல்லிக்கட்டின் தடை விவசாயிகளை பண ரீதியாக பாதிப்பதில்லை.  மேலும் இறைச்சிக் கூடங்களுக்கு விற்கப்படும் காளைகளுக்கு அதிக தொகையும் கிடைப்பதில்லை.

மதுரை மாவட்டம் பாலமேடு அருகே உள்ள மாணிக்கம்பட்டியில் வசிப்பவர் கூறியதாக டைம்ஸ் ஆப் இந்தியா பின்வருமாறு மேற்கோளிடுகிறது, “ எனக்கு இரண்டு குழந்தைகள் உள்ளனர், ஆனால் நான் என் காளைக் கருப்பசாமியை தன் அதிகம்  நேசிக்கிறேன்.  நான் என் குழந்தைகளை தவிர்த்திருக்கிறேன், ஆனால் என் காளையை அல்ல.  பொதுவாக ஜல்லிக்கட்டு காளைகள் கடவுளுக்காக உறுதியளிக்கபடுகின்றனர்.  நாங்கள் அதனை புனிதமாக கருதுகிறோம்”. காளைகளை புனிதமாகக் கருதுவதால் நிச்சயமாக அவற்றை இறைச்சிக் கூடங்களுக்கு விற்பது பற்றி எண்ணிக் கூட பார்க்க மாட்டார்கள்.

காளைகள் எதிர்க்கொள்ளும் ஒரே துன்பம் இறைச்சிக் கூடங்கள் மட்டுமல்ல.  பல வகையான கொடுமைகள் உள்ளன, அவை அனைத்தும் தவறானவை. காளைகள் வாழ்க்கை இறைச்சிக் கூடங்களில் முடியவில்லை என்றாலும், அவைகள் பயிற்சியின் போது அல்லது ஜல்லிக்கட்டின் போது இனி இது பயன்படாது என்ற நிலை வரும்போது இது அடிக்கடி நிகழ்கிறது.

மேலும் ஜல்லிக்கட்டு நிகழ்வின் போது ஏராளமான காளைகளும் இறந்துவிடுகின்றனர்.

ஜல்லிக்கட்டை தடை செய்தால் பூர்வீக கால் நடை இனம் அழிந்துவிடும் என்று சிலர் கூறுகிறார்கள்.

கொடுமை என்பது பாதுக்காப்பு அல்ல.  புலிகளை காயமடைய செய்வதன் மூலம் அல்லது கொல்வதன் மூலம் யாராவது பாதுக்காக பரிந்துரைத்தால், மக்கள் அந்த நபரை பைத்தியம் என்று அழைப்பார்கள்.

இந்தியாவின் கால் நடை இனங்கள் பல ஆண்டுகளாக மாறி வருகின்றன.  ஜல்லிக்கட்டு அனுமதிக்கப்பட்ட பல ஆண்டுகளில் கூட இது நடந்துள்ளது, எனவே ஜல்லிக்கட்டு தடையினால் மட்டுமே இது நடக்கிறது என்று கூறுவது ஏற்க முடியாதது.  கால் நடை இனங்கள் பெரும்பாலும் மனிதர்களின் “தேவைகளுக்கு ஏற்ப பயன்படுத்தப்படுகின்றனர், அதாவது அதிகரித்த பால் உற்பத்தி போன்றவைகள்.  இனத்தில் ஏற்படும் மாற்றங்கள் ஒரு இனத்தின் அழிவைக் குறிக்காது.  வளர்ப்பு கால் நடைகள், அழியும் ஆபத்தில் இருக்கும் உயிரினங்கள் பட்டியலில் இல்லை.  இருந்தாலும் கூட ஆர்வம் உள்ள இடங்களில், கால் நடை வளர்ப்புத் துறைகள் பல்வேறு அறிவியல் வழிமுறைகளில் மூலம் இனங்களை பராமரிக்கின்றனர்.

இந்த “பூர்விக இனம்” என்ற வார்த்தை உருவாக்குபவர்களால் தான் ஜல்லிக்கட்டிற்கான “வீரியமான காளைகள் வளர்க்கபடுகின்றது என கூறப்படுகிறது.  ஜல்லிக்கட்டில் வென்ற காளைகளுக்கு பசுக்களின் இனப்பெருக்கத்திற்கு அதிக தேவை உள்ளது.  இருந்தாலும் ஜல்லிக்கட்டின் தடை இந்த  நோக்கத்திற்காக பயன்படுத்துவதை தடுக்காது.  சிறு விவசாயிகளால் வீரியமான காளைகளை வைத்திருக்க முடியாது என்று கூறப்படுகிறது. எனவே ஒவ்வொரு கிராமத்திலும் ஒரு பொதுவான கோயில் காளை உள்ளது அது பொதுவாக பசுக்களை கருவூட்டப் பயன்படுத்தப்படுகிறது.  இருப்பினும், இது தொடரலாம்.  மேலும், ஜல்லிக்கட்டு நிகழ்வை விட எந்த காளை ஆரோக்கியமாக இருக்கிறது என்பதை ஒரு கால்  நடை மருத்துவரே கிராம மக்களுக்கு தெரிவிக்க முடியும்.

மேலும், சில காளைகள் ஜல்லிக்கட்டுக்காகப் பயன்படுத்தப்படுகின்றன, மற்றவை போக்குவரத்து மற்றும் விவசாய விலங்குகளாகப் பயன்படுத்தப்படுகின்றன. இது ஜல்லிக்கட்டு இல்லாமல் கூட எளிதில் தொடரக்கூடிய ஒரு நடைமுறையாகும்.

உண்மையாக காளைகளை மற்றும் பிற விலங்குகளை கொடுமைக்கு உட்படுத்தாத வாழ்க்கை  நடைமுறை வழிகளை இச்சமூகம் கொண்டு வர முடியும்.

பீட்டா இந்தியா வெளிநாட்டு கால்நடைகளை வளர்க்க விரும்புகிறது என்ற வதந்திகளை நான் கேள்விப்பட்டிருக்கிறேன். அது உண்மையா?

இது உண்மையாக இருந்தால், என்னவொரு சிக்கலான, வினோதமான, தகுதியற்ற திட்டம்!

பீட்டா இந்தியா நிறுவனம் ஒரு விலங்கு உரிமை அமைப்பு ஆகும்.  மேலும் எங்களின் குறிக்கோள், “விலங்குகளை சாப்பிட அவை  நம்முடையது அல்ல” என்பதாகும்.  நாங்கள் ஒரு சைவ வாழ்க்கை முறையை ஆதரிக்கிறோம், அதாவது வெளி நாட்டு கால் நடைகளை இறைச்சி அல்லது பால் உற்பத்திக்காக ஊக்குவிப்பதில் எங்களுக்கு எந்தவித ஆர்வமும் இல்லை. உண்மையில், இறைச்சி மற்றும் பால் தொழில்களின் உள்ளார்ந்த கொடுமைகளை பற்றியே நாங்கள் தீவிரமாக பிரச்சாரம் செய்கிறோம்.

பீட்டா இந்தியா ஏன் இறைச்கிக் கூடங்களை தடை செய்யவில்லை?

தடையை நாங்கள் விரும்புகிறோம்!  பீட்டா இந்தியாவிற்கு அந்த அதிகாரம் இல்லை, மேலும் நீதிமன்றங்கள் இருக்கும் சட்டங்களை மட்டுமே ஆதரிக்கவும் முடியும்.

விலங்குகளை கொண்டு செல்வதிலும் உணவுக்காக கொல்லும் போதும் சட்ட விரோத கொடுமை இயல்பானது என பதிலளித்த மாநில அரசாங்கத்திற்கு எதிராக பீட்டா இந்தியா உச்ச நீதிமன்றத்தில் வழக்கு தொடர்ந்தது.  இதன் விளைவாக உரிமம் பெறாத இறைச்சிக் கூடங்களை தகர்க்க, சட்ட அமலாக்கக் குழுக்களை அமைக்குமாறு அனைத்து மாநிலங்களுக்கும் நீதிமன்றம் உத்தரவிட்டுள்ளது.

சட்டங்கள் அமல்படுத்தப்பட்டாலும் கூட, அவை பெரும்பாலான விலங்குகளை கொல்ல அனுமதிக்கின்றன.  அதனால் தன், தோல் அணிவதை மறுப்பது உட்பட, சைவ உணவு உண்பதன் மூலம் விலங்குகள் கொல்லப்படுவதை  நிறுத்த உதவுமாறு பொது மக்களை ஊக்குவிக்கிறோம்.   சைவ உணமை சாப்பிடுவதற்கான மாற்றத்தில் மக்களுக்கு உதவ  நாங்கள் ஒரு இலவச சைவ உணவு தொடக்க கிட்- யும் வழங்குகிறோம்.  இதை PETAIndia.com –இல்  ஆர்டர் செய்யலாம்.

ஈத்-அல்-ஆதா போன்ற விலங்கு தியாகத்தை தடை செய்ய பீட்டா இந்தியா ஏன் அழைக்கவில்லை?

நாங்கள் செய்கிறோம்.  எல்லா மதங்களும் இரக்கத்திற்கு தான் அழைப்பு விடுக்கின்றன. எந்த மதமும் அதன் வழிபாட்டாளர்கள் மாமிசம் சாப்பிட வேண்டுமென்று கூறவில்லை.

விலங்குகளுக்கான கொடுமை தடுப்பு (இறைச்சி கூடங்கள்) விதிகள் 2001, ஏற்கனவே “அங்கீகரிக்கப்படாத அல்லது உரிமம் பெற்ற இறைச்சிக் கூடங்களை தவிர பிற இடங்களில் விலங்குகளை அறுக்கக் கூடாது” என்று கூறியிருக்கிறது. இதன் பொருள், உரிமம் பெற்ற இறைச்சிக் கூடங்களுக்கு வெளியே விலங்குகள் கொல்லப்பட்டால் தகவ்ல் அறிந்த எவரும் காவல் நிலையத்தில் புகார் அளிக்கலாம்.

நிச்சயமாக, உரிமம் பெற்ற இறைச்சிக் கூடங்களும் கொடூரமானவைதான்.  ஈத்-அல்-ஆதாவிற்கு முன்னதாக தியோனாரில் நடைபெற்ற விலங்குகளுக்கான பயங்கரமான கொடுமைப் பற்றி பீட்டா இந்தியாவில் படியுங்கள்.  அதை இங்கே நிறுத்த நீங்கள் என்ன உதவி செய்ய முடியும் என்று சிந்தியுங்கள்.

பீட்டா அமெரிக்கா பற்றி நீங்கள் கூறுவது என்ன?

பீட்டா இந்தியா மற்றும் பீட்டா அமெரிக்கா ஆகியவை முற்றிலும் தனித்தனி நிறுவனங்கள்.  பீட்டா இந்தியா ஒரு இந்திய குழு.

PETA.org மூலம் PETA US-இன் வேலையைப் பற்றி அறிய நாங்கள் உங்களை ஊக்குவிக்கின்றோம்.